Useyosikhininda ePhalamende isiNgisi sokusebenza uPapa Penny

21 October 2024 Admin

UPapa Penny, owathusa abaningi ejoyina iqembu likaMnuz. Jacob Zuma, i-MK Party uya ephalamende.

Uyoyovala esinye sezikhala ezivuleke ngemuva kokuba leli qembu lixoshe amalungu alo angu-20 abelimele ePhalamende likazwelonke.

I-MK Party ixoshe amalungu ayo ePhalamende kungakapheli nezinyanga ezimbili efungisiwe njangamalungu eSishayamthetho sikazwelonke.

Lokhu kuvele encwadini ebhalelwe usomlomo wePhalamende, uNks Thoko Didiza ngumholi weqembu ePhalamende uMnuz. Sihle Magubane.

Ubemazisa ngenhloso yeqembu yokuxosha laba. Kule ncwadi emisa laba ePhalamende, iveze nokuthi sebexoshiwe naseqenjini i-MK Party.

“Sicela ukwenza izinguquko ohlwini lwamalungu eqembu uMkhonto weSizwe ngokwesigaba 16 ukubeka inhloso yethu yokuvala izikhala ePhalamende likazwelonke.”

USomlomo wePhalamende, uNks. Didiza usewabhalele lamalungu axoshiwe ewazisa ukuthi asexoshiwe iqembu lawo futhi awasafuneki nangalukhalo ePhalamende.

I-MK Party ibe isithumela uhlu olunamalungu angamashumi okuvala izikhala ezivulekile emuva kokuxosha amalungu ayo.

Kulolu hlu kukhona igama likaBrian Molefe oke waba isikhulu sakwa-Eskom nomculi, uPapa Penny ongu-Eric Nkovani igama lakhe langempela.