Bazobekwa icala lokukhwabanisa o-Chidimma Adetshina nonina
ABASENABO omazisi baseNingizimu Afrika o-Chidimma Adetshina nonina waseMozambique.
Ngokusho koMqondisi Jikelele woMnyango wezaseKhaya, uTommy Makhode, sebekwenze konke njengomnyango ukuphenya lolu daba yingakho sebeludlulisele kwabezokushushisa ukuthi babekwe icala.
I-Eyewitness News ibike ukuthi bahoxisiwe omazisi nokuqinisekiswe wuMnyango wezaseKhaya.
U-Adetshina uqale ukuba sematheni engenela uMiss SA. Kwasuka umsindo ngobuzwe nemvelaphi yakhe nokudale ukuthi kugcine kuba nophenyo ngomazisi wakhe nokuthi wawuthola kanjani.
Ugcine ehoxile kuMiss SA wagcina engenele uMiss Nigeria Universe.
Chidimma Adetshina
