Indida uRamaphosa emukela ngezimhlophe owase-Ukraine

UMENGAMELI uCyril Ramaphosa usedide abaningi ngokuveza ukuthi ubheke ngabomvu uMengameli wase-Ukraine uVolodymyr Zelesky ohambweni azoba nalo kuleli kungekudala.

Lezi zindaba uzidalule ku-X (obuwaziwa ngelikaTwitter) nokuyilapho eveze ukuthi ubengxoxo noZelensky.

Uthi yilapho bevumelane ngokuningi okuthinta amazwe abawengamele, ezoxolo phakathi kwe-Ukraine neRussia nokunye okuningi.

Ngakolunye uhlangothi noZelesky ukuqinisekisile okushiwo uRamaphosa njengoba naye ebhalile kowakhe u-X.

Ubonge uRamaphosa nangokuba nezwi elinesigqi nelihloniphekile ekwesekweni kwe-Ukraine.

Kwenzeka lokhu nje iNingizimu Afrika ayibhekani kahle ne-USA kanti kwayona i-Ukraine isesimweni esifanayo kulandela ukuthi umengameli osanda kungena esihlalweni e-USA, uDonald Trump.

UTrumo usole iNingizimu Afrika ngokubhubhisa amabhunu nokufuna ukudla umhlaba wawo. 

FUNDA NALANA: Ulale nethikithi kubhozo obehlupha eGcuwa

Ngasohlangothini lwe-Ukraine ukungabhekani kwayo noTrump kudalwa ukuhoxisa kwakhe ukuyeseka empini yayo neRussia.