Umangaze abalaleli uDJ Sbu ngesinqumo ngeRadio 2000

ISILOMO somsakazi weRadio 2000 u-DJ Sbu usememezele ukuthi usewushiya phansi lomsakazo.

Ukhiphe isitatimende eveza ukuthi lesi sinqumo bekungelula ukusithatha.

U-DJ Sbu uthe usithathe yize singakafiki isikhathi sokuphela kwesivumelwano anaso nalosakazo womphakathi esiphela ngoMarch 30.

Uthe khona maduze nje uzomemezela futhi ukuthi amabombo usewabhekise kuphi nendawo.

“Kubalaleli abahloniphekile beRadio 2000 nomphakathi waseNingizimu Afrika wonke,” ubhale kanje lo DJ.

“Lokhu kuwukunazisa ukuthi ngemuva kokucabangisisa, sengithathe isinqumo sokusula njengomsakaz kwiRadio 2000, eyingxenye yeSABCA.

“Lesi sinqumo siza ngaphambi kokuphela kwenkontileka yami, obekumele iphele ngoMashi 30, 2025.

“Lokhu akubanga lula, njengoba isikhathi sami kuRadio 2000 sigcwele izinkumbulo ezinhle nenjabulo yokuxhumana nabalaleli bethu abamangalisayo.

“Ngibonga kakhulu ngokwesekwa engiluthole kozakwethu, abaphathi, futhi, okubaluleke kakhulu, nabalaleli bethu abathembekile.

“Ngilungiselela uhlelo olusha lwasekuseni engijabule ngalo ukwethula endaweni ehlukile kusukela ngo-Ephreli 1, 2025.

“Leli thuba elisha lethula isahluko esisha emsebenzini wami, futhi ngimagange ukwamukela amathuba asazovela.

“Ngifuna ukwelula ukubonga kwami okusuka enhliziyweni kuwo wonke umuntu obe yingxenye yalolu hambo olumangalisayo.”