Kutholakale inqwaba yezidakamizwa e-OR Tambo
AMAPHOYISA asethole inqwaba yezidakamizwa zika-R6 million esikhumulweni sezindiza i-OR Tambo International Airport.
Lezi zidakamizwa zohlobo lwe- coccaine zitholakale zitakwe emabhokisini zibekwe endaweni ewumhume wokubeka izimpahla ngaphakathi esikhumulweni sezindiza.
Kukholakala ukuthi besisuka eBrazil zizohanjiswa eFrance. Ngamanye amazwi kusetshenziswe leli lizwe ukuzishushumbisa. Amaphoyisa amatasa ayaphenya futhi akukaboshwa muntu. Khonamanjalo, uphiko lwamaphoyisa i-Operation Vala Umgodi eMajuba Districct, lizithole izidakamizwa okukholakalla ukuthi ngezemali elinganiselwa ku-R750 000 eMadadeni.
Lokhu kwenzeke ngemuva kokuthi amaphoyisa encinzwe indlebe ngendawo ewumhume wezidakamizwa. Kule ndawo kutholakale inqwaba yamaphiliso eMandrax. Kulesi sigameko, amaphoyisa athole lezi zidakamizwa zifihlwe emzini okuvela ukuthi ngeyomuntu oyedwa, Bezifihlwe ezimotweni, kosofa nakwezinye izindawo endlini. Kuboshwe umsolwa oyedwa.
