Angase ashenxe kusasa esikhundleni undunankulu waseCanada
KULINDELEKE ukuthi ehle ngokusemthethweni esikhundleni sokuba ngundunankulu waseCanada uJustin Trudeau emahoreni ambalwa ezayo.
UTrudeau ubhekene nengcindezi ngenxa yempikiswano yokuhweba nentela enzima evela emazweni afana nomakhelwane i-United States of America (USA) neChina.
Le mpi yomsindo ebukeka iqonga phakathi kweCanada ne-USA isimenze wanesigcwagcwa.
Kuzokhumbuleka ukuthi ekuqaleni kwalo nyaka wamemezela ukuthi uzoshenxa esikhundleni sokuba ngundunankulu wezwe kodwa wangalunquma usuku.
Nalapho wayexinwe kabi imibiko yokwehla kogazi kwakhe emphakathini waseCanada.
.UTrudeau usebambe lesi sikhundla iminyaka engaphezudlwana kwengu-9. Kuthusile ukubona ugazi lwakhe lwehla ngokushesha nokuyinto eholele ekutheni kusheshe kubhekwe ozongena esikhundleni sakhe.
Ngokombiko weReuters uMark Carney nguye ozomenyezelwa njengondunankulu omusha.
