Isililo kudlula emhlabeni uZulu Glamour
AMAZWI endunduzo alokhu engenile kulandela ukudlula emhlabeni kwentokazi ebisizakhele udumo endimeni yomculo kamaskandi, uZamaweza “Zulu Glamour” Mthalane.
Imibiko esavele nokho engakaqinisekiswa ithi umufi ugule kafushane kwamenela.
UZulu Glama ufike kwezwakala kwezokungcebeleka waba ngenye yama influencer okuqala ngqa ezinkundleni zokuxhumana egqamise kakhulu konke okuthinta amasiko nemvelaphi yabantu.
Uthando lwakhe nolwazi lomculo kamaskandi kumvulele iminyango ebalulekile kwezokungcebeleka.
Phakathi kwaleyominyango kubalwa ithuba kuSigiya Ngengoma nasohlelweni komculo obelusakazwa wuTshatha Ngobe noNtombee Mzolo kuMzansi Magic Music, iYash’Ingoma.
 Le ntokazi yaseMabomvini, KwaMaphumulo, iphinde yaba nohlelo kuYoutube obelubizwa ngoMbuso Wamaciko nokuyilapho ibimema khona iningi lamaciko kamaskandi
