Kufe intandokazi yekati uSkabenga

AYISEKHO emhlabeni intandokazi kamangobe weTheku, uSkabenga (19).

Lo mangobe wodumo ohlala endaweni yomacaphuna kusale e-Oyster Box Hotel, eMhlanga, udlule emhlabeni izolo ebusuku.

Esitatimendeni esikhishwe yimenenja yase-Oyster Box Hotel u-Ashwin Jose, uthe izinhliziyo zabo zibuhlungu ngokudlula emhlabeni kukaSkabenga. 

Uthe kubobonke abantu abebecakashela leya ndawo akekho ongamazi uSkabenga obebusa kuleya ndawo yomacaphuna kusale.

Sekungumlando ukuthi uSkabenga wafika kuleya ndawo eyikati elingumtshingwa ubethwa ngubani.

Abanikazi be-Oyster Box balithanda leli kati balondla, nalo lazitika ngezibiliboco ezifanele ukudliwa amakhosi uqobo.

NgoMay 2015 kwasuka umsindo engatholakali uSkabenga edukile. Igama lakhe laliqhwakele phezulu ezihlokweni ezisematheni ngalolo suku kuzona zombili izinsuku ayengabonakali ngazo.

Ngenxa yalokho, uSkabenga wagcina etholakele ePhoenix nokuyindawo ebude buduze nekhaya lakhe uSkabenga.

Ukutholakala kwakhe kwamenyezela ekhasini lase-Oyster Box kwaveza nokuthi wathola ngumlisa othile, wambuyisa ephephile. Selokhu kuvele ukuthi akasekho uSkabenga emhlabeni, imilayezo ingena ingenile ngenxa yokuthi ubesezakhele udumo kwizihambeli zale ndawo njengoba ebehlezi ebonakala khona.

Igama likaSkabenga lithathelwe kwelesiZulu elithi “Sgebengu”.

Kwabafisa ukuthumela imilayezo nezindaba zabo ezingoSkabenga bangakwenza lokho bathi #SkabengaTheCat.