Ukhethwe ukuhola iCAF okwesibili uMotsepe

UPHINDE wakhethwa kwesobumengameli weConfederation of African Football (CAF) umacaphunakusale wakuleli.

UDr Patrice Motsepe uzohola lenhlangano ihlandla lesibili nelizophela ngo-2029.

UMotsepe wakhethwa okokuqala ukwengamela lenhlangano ngo-2021. Ukuphindile lokho kwiCAF General Assembly ngaphandle kokuphikiswa.

Amagalelo kaMotsepe kwezikanobhutshuzwayo ayaziwa njengoba engusihlalo weMamelodi Sundowns. Kuningi asekwenzile kule mboni ukuthuthukisa nokuletha isithunzi kulo mdlalo.

UMotsepe ungomunye wabahlonishwa abaqavile njengoba ephinde abe nenkampani egxile ezimayini nangumnikazi wayo i-African Rainbow Minerals.

Khona manjalo, umengameli weCameroon Football Association uSamuel Eto’o, uthole isihlalo ekomidini leCAF. Kulapho ezomela khona amazwe amaphakathi ne-Afrika. 

Kwenzeke lokhu nje ubesanda kunqoba njengoba ayecele kubuyekezwe isinqumo ebesimvimbela ukuba angenele.