U-Omotoso utholwe engenacala

INKANTOLO eNkulu eGqeberha isithole umvangeli uTimothy Omotoso engenacala.

Esinqumweni esisuse inkulumompikiswano eshubile ngohlelo lwezomthetho lwaseNingizimu Afrika, umvangeli wethelevishini Omotoso umenyezelwe njengokhululekile kusukela \namuhla.

Inkantolo ikhiphe lesi isinqumo ngemuva kokuthi umbuso wehlulekile ukuveza ubufakazi obunqala obebungagweba u-Omotoso.

Ehlangene nabanye abasolwa uLusanda Sulani noZikiswa Sitho, u-Omotoso bebebhekene namacala okudlwengula, ukushushumbiswa kwabantu kanye nezinsolo zokukhwabanisa.

Leli cala elaqala ngo-2018, laligxile ekumangalelweni kuka-Omotoso  nongumholi webandla iJesus Dominion International (JDI).

U-Omotoso wayesolwa ngokusebenzisa ithonya lakhe lenkolo ukuze ayenge abesifazane abasebasha ecasha ngenkolo.

Ofakazi basola ukuthi wayeqasha abazalwane nebabeka imithetho eqinile futhi kuhona nokuxhaphaza ngokocansi.

Ukuboshwa kuka-Omotoso ngo-April 2017 esikhumulweni sezindiza sasePort Elizabeth kwaba sematheni eNingizimu Afrika yonkana. 

Lesi sigameko salandelwa ushintsho olumangalisayo lokushiya kwabazalwane ananingi ebandleni lakhe. Ukuqulwa kwaleli cala kube nezinselele eziningi njengoba belingundabamlonyeni.

Ithimba lika-Omotoso beliholwa ngu-Peter Daubermann nofafake izicelo eziningi.

Leli thimba belifuna amacala ahoxiswe futhi lingabaza ukuthembeka kofakazi ecaleni.

Ukuqulwa kwecala kwaba nzima nakakhulu ngenkathi iJaji uMandela Makaula esula esikhundleni ngo-2019 ngemuva kokuba abameli babameli bezwe bezwakalise ukukhathazeka ngokungachemi kwakhe, becaphuna ngendawo yokulala yofakazi endlini yezivakashi kankosikazi wakhe. 

Icala liqale phansi ngaphansi kweJaji u-Irma Schoeman.

Obunye ubufakazi obube sematheni kakhulu ngobuvelae kuCheryl Zondi, owayeyilungu le-JDI.Ngokuqhubeka kwesikhathi icala  liqhubeka ofakazi bebehoxa.
Amacala okuqala ayengu-63 kodwa ehle aze afinyelela ku-32.

U-Omotoso, obesehlale iminyaka eyisithupha esitokisini elinde ukuqulwa kwecala, uhlale emsulwa ngaso sonke isikhathi.

Ngesikhathi iJaji uSchoeman ekhipha isinqumo, ucaphune ukwehluleka komshushisi ukubekela u-Omotoso inselelo ngendlela egculisayo yezehlakalo nokumphenya ngemibuzo.

 
Inkantolo ibishubile njengoba u-Omotoso nasolwa nabo bededelwa, behamba bekhululekile ngemuva kweminyaka eminingi bequliswa amacala.