Uvela enkantolo umsebenzi obegwazisa abafuna ukuba amaphoyisa
UVELA namuhla ngoLwesine eNkantolo yeMantshi yaseThohoyandou owesilisa osebenza eMnyangweni wezokuThutha eNelspruit, eMpumalanga kulandela ukuboshwa ngezinsolo zokugwazisa.
Umsolwa wesilisa oneminyaka engu-28 ubudala ebhekene namacala enkohlakalo kulandela ukuboshwa kwakhe izolo.
NgoLwesibili, uPhiko Lwezifundazwe Olulwisana Nenkohlakalo eLimpopo lwathola isikhalazo mayelana nomuntu okusolwa ukuthi ubefuna imali kwabahlukumezekile ngokuqamba amanga ebathembisa ukuqashwa njengamaphoyisa omgwaqo.
Umsolwa kuthiwa ubefuna ukugixabezwa ngo-R6 500.00 umuntu ngamunye ukuze amtholele umsebenzi.
Icala libikwe ophikweni lweProvincial Anti-Corruption Unit ukuze kuqhutshekwe nophenyo, kwabhaliswa idokodo lophenyo ngalo lolo suku.
Ngesikhathi kuqhubeka lo uphenyo, kuthiwa umsolwa ufike wahlangane nalaba abaxakekile wafuna inkokhelo.
Ngemva kokuthola imali, ithimba lamaphoyisa lasondela ngokushesha lambopha.
Kutholwe imali engu-R2,000 esandleni sakhe ngesikhathi eboshwa. Umsolwa wabe esevalelwa kwaSAPS eThohoyandou.
Icala liphenywa uphiko lweProvincial Anti-Corruption Unit ngokubambisana ne-DPCI Serious Corruption Investigation Unit eMusina.
UKhomishana wamaPhoyisa eLimpopo, uThembi Hadebe, usencome ithimba lezinhlaka ezehlukene ngokuthatha isinyathelo ngokushesha ukuze kuboshwe umsolwa.
“Ukuboshwa kwalo msolwa kuyisexwayiso esiqinile sokuthi ngeke kubekezelelwe inkohlakalo phakathi kwabezomthetho. Sincoma abaseshi ngokuyinqanda yonke inkohlakalo ebibonakala ngayo,” kusho uLieutenant General Thembi Hadebe.
Amalungu omphakathi ayanxuswa ukuthi abike zonke izigameko zenkohlakalo ezindaweni zawo ukuze agcine ubuqotho bezikhungo zikahulumeni.
