Ubuya nezinguquko eziningi uMiss South Africa
UKWETHULWA ngokusemthethweni nokuvulwa kwethuba lokungenela uMiss South Africa kulo nyaka kuza nezinguquko ezizojabulisa abaningi.
Lokhu kungenxa yokuthi kulabo abafisa ukungenela lo zime akunamigomo namikhawulo ebekiwe.
Kulo nyaka umgomo wemimyaaka yofisa ukungenela ithe ukwenyuswa yathi xaxa.
Le yingqophamlando njengoba kulonyaka umkhawulo weminyaka kungu-32.
Phambilini bekwamukelwa abantu besifazane abaneminyaka egcina ku-30.
Lokhu kuzonika ithuba abaesifazane abaningi ithuba lokuthi bakwazi ukuncintisana kuMiss SA.
Okunye okubalulekile nokwushintsho kulo mncintiswano indaba yesisindo neyobude.
Kulo nyaka izinguquko ezibalulekile ngezithinta le yobude neyesisindo nekuyiyona ebikhubaza abaningi.
Imingenelo ivulwe ngoLwesithathu futhi izovalwa ngo-April 11.
Abafisa ukubamba iqhaza kumele bavakashele ku-www.misssa.co.za, baphendule imibuzo embalwa, futhi bafake izithombe ezimbili.
Isithombe sokuqala ngesimkhombisa eseduze siveza ikhanda namahlombe kuthi esinye nesinye esigcwele umzimba wonke.
Lezi mazibe yimibala egqamile.
Lezi zidingo kuzofanele zihambisane ne-video emfushane nayo efakwe ihambisane nesicelo.
Ukusiza abafake izicelo ukuthi bazilungiselele, inhlangano kaMiss SA izobamba nekilasi ye-masterclass.
Kulapho ochwepheshe bemboni bezonikeza isiqondiso futhi babelane ngemininingwane ebalulekile yokuthi ungagqama kanjani emqhudelwaneni.
Owamanje onguMiss South Africa, uMia le Roux, ugqugquzele abesifazane abasebasha ukuthi bangenele ngezinhliziyo nengqondo evulekile.
“Okubaluleke kakhulu ongakwenza wukungena ngenhliziyo nomqondo ovulekile ngoba lolu hambo luzokuphonsela inselelo yokuthi uzihlole ukuthi ungubani nokuthi umeleni.
“Uma ulwamukela ngokugcwele lolu hambo uzophuma uzazi kangcono, ukuthi uyasithatha yini isicoco noma cha,” usho kanje.
Ecabanga ngohambo lwakhe njengoMiss South Africa, uLe Roux ukhulume ngendlela lesi sicoco esishintshe ngayo impilo yakhe.
“Impilo yakho ishintsha unomphela, kodwa futhi uyakwazi ukuguqula izimpilo zabanye ucacise kabusha ukuthi kusho ukuthini ukuba ngowesifazane onamandla,” usho kanje.
