Kubuye ithemba bethenjiswa ukulungiselwa umgwaqo eGeorgedale
NGEMUVA kokulinda imilibe ngokulungiswa komgwaqo owalinyazwa yizikhukhula eGeorgedale eHammarsdale, umasipala usumemezele ukuthi usuzolungiswa.
Izikhukhula zangoMarch 2022 zacekela phansi imigwaqo yelokishi iMpumalanga neGeorgedale kabi.
Lolu sizi luhlalise lubhojozi umphakathi kanzima iminyaka emithathu kungabonakali sisombululo.
Kungakho kujabule iningi uma uMasipala weTheku umemezela ukuthi lo mgwaqo uzoqala ukulungiswa ngesonto elizayo.
UNgqongqoshe wezokuThutha nokuHlaliswa kwaBantu uSiboniso Duma ehambisana neMeya yeTheku uCyril Xaba, bahambele umphakathi wakule ndawo bezokwethula inkampani ezolungisa le migwaqo.
Kulolu hambo bathembise osomabhizinisi bendawo ukuthi bazohlomula ngokusebenzisana ngokubambisana nenkampani okuyiyona enikwe lomsbenzi.
Emasontweni adlule u-Ayanda Msweli osezakhele igama ngokusiza imiphakathi eminingi, wahambela le ndawo.
Wathembisa ukulusukumela udaba alubike ezikhulwini zikahulumeni njengoba isimo asibona sasishayisa amahloni.
Ngokusho komphakathi, seziningi izingozi zomgwaqo zenzeka ngenxa yobubi bemigwaqo kule ndawo nosekutathe iminyaka ukuthi kulunagiswe.
