I-African Bank ihlawuliselwe ukudukisa amakhasimende

I-Financial Sector Conduct Authority (FSCA) isihlawulise i-African Bank ngenxa yesikhangiso esidukisayo.

I-FSCA okuyisikhungo esilawula ukuziphatha kwemboni yezimali, inhlawulise leli bhange isamba semali engu-R700 000 ngenxa yokukhangisa okudukisayo okwephula i-Conduct Standard 3 of 2020.

Lokhu kulandela uphenyo olunzulu ngesikhangiso saleli bhange ezinkundleni zokuxhumana obubizwa ngokuthi #KeFestive, obuveza isitatimende esidukisayo kumthengi.

Ngo-December 2023, i-FSCA yahlonza isikhangiso esasikhuthaza abangaba ababoleki bemali ngegama elithi “It’s not a skoloto chomi! Ke investment”.

NgokweFSCA lesi sidukisa ofisa ukuboleka imali acabange ukuthi yithuba lokuyitshala.

Iqhube yathi ukuqamba amanga okunjalo kungadukisa kakhulu amakhasimende mayelana nemvelo nobungozi obuhambisana nomkhiqizo wezezimali.

I-FSCA inqume ukuthi i-African Bank yephule izigaba ezibalulekile ze-Conduct Standard, okuyisigaba 6(1), 6(3)(a), kanye no-6(3)(b), esigunyaza amabhange ukuthi aqinisekise ukuthi izikhangiso:

Zicacile, zilungile, aziqukethe izinto ezingalungile futhi azinaphutha.

Ngaphezu kwalokho, ukushiyeka kuphawulwe ezimisweni zokuphatha ze-African Bank, ikakhulukazi inqubo yokugunyaza izikhangiso. 

I-FSCA iqinisekisa ukuthi i-African Bank isikhokhe u-R500 000.”