Bazohlawuliswa abashayeli bamatekisi abangagezi nabethuka inhlamba

LILOLIWE izembe kubashayeli bamatekisi abethuka inhlamba nabangagezi njengoba bezohlawuliswa kanzima.

Usoseshini wamatekisi i-Carletonville United Taxi Association (CUTA) eGoli, uzoqinisa isandla kubashayeli abanamabatha nabangayiniki isithunzi esifanele imboni yamatekisi.

Namuhla lososeshini ukhiphe uhla lwemigomo othi akufanele umshayeli wabo ayephuli.

Kulabo abayothokakala beyephulile bazohlawula kanzima imali noma bamoiswe emsebenzini.

Uhla lwemigomo efanele wukulandelwa ingu-13 kanti imi kanje: 

.Umshayeli othuka ngenhlamba abagibeli uhlawula R1,500 aphinde amiswe emsebenzini izinyanga eziyisithupha.

2. Umshayeli ongafuni ukugeza ongcolayo uzohlawuliswa R1,500

3. Umshayeli oza emsebenzini egqoke ophaqa, isikhindi, ivesti uzohlawuliswa R300

4. Umshayeli ophuzile emsebenzini uhlawula R1,500

5. Umshayeli oshaya umgibeli uhlawuliswa R1,500 aphinde amiswe emsebenzini izinyanga eziyisithupha.

6.Oshayela imoto engenayo- inumber plate uzohlawula R500

7. Umshayeli oqola abagibeli imali yokugibela  uzohlawula R500

8.Umshayeli olwa nabanye abashayeli uzohlawula R2,000

9. Umshayeli ongafuni ukuza ehhovini likasoseshini uzoxoshwa.

10 Umshayeli ophuza utshwala erenki uzohlawula R3,000

11. Umshayeli okuthi eqashiwe, naye aqashe omunye umshayeli uzohlawula R1,500

12. Umshayeli owenqaba ukuya eSouth Gate uhlawuliswa R650

13. Itekisi elingcolile ngeke livunyelwe ukulayisha abagibeli futhi lizohlawuliswa uR500