Indlu yegagu iyanetha kuMoja Love
ISISHO esithi indlu yegagu iyanetha sigcwalisele kahle namuhla uMoja Love ugxeka inkulumo kaMacG.
UMoja Love ukhiphe isitatimende ugxeka kanzima uMacG ngokwethuka usaziwayo kuthelevishini uMinnie Dlamini.
Ohlelweni lwakhe uMacG, ukhulume ngezothando lukaMinnie osanda kuhlukana nesoka lakhe uDkt Brian Monaise.
Uthe inkomo kaMinnie kungabe iyanuka noma cha. Le nkulumo ayehlanga kahle kwabaningi njengoba sebefisa iPodcast kaMcG ivalwe.
Ngakolunye uhlangothi uMoja Love wehluleke wancama ukulungisa udaba lokuhlukunyezwa kukaThando ohlukunyezwa wumyeni wakhe uSiyacela Dlamuka.
Laba basohlelweni Isencane Lengane olusakazwa kuMoja Love.
Sezibe ningi izikhalo ngobubi nokugqugquzela udlame lwasemakhaya nokungahloniphi abesifazane okubonakala kulolu hlelo.
Lona iloMoja ​​Love esuzakhele igama ngokujabulela ukuxhashazwa nobubuhlungu ezimpilweni zabantyu abamnyama.
Othanda ukweneka impilo ebuhlungu nephukile kanye nokubulawa kwesithunzi nokululazwa komphakathi ukuze kubukwe kuthelevshini.
Nakuba kunjalo kubukeka sengathi uMoja Love unendana nokudonsa ababukeli kunokulungisa isimo esibi.
Esitatindeni esikhishwe uMoja Love, bakhwele badilika kuMacG nozakwabo uSol Phenduka.
Lesi sitatimende selanywa ngesinye lapho bebephawula ngemuva kokugxekwa kwabo ngodaba lukaSiyacela noThando Dlamuka.
Kusona kuhlalukile ukuthi abazimisele ukwenza izinguquko noma ukulumisa,
Behlulekile wukulumisa ngesihloko bagxeke okubi okwenzeka kulona.
