AbakwaSassa nezinguquko kwimali yesibonelelo

UKUKHOKHWA kwemali yezibonelelo zalenyaka kaMay zizoba nezinguquko ezimbalwa.

Lesi simemezelo senziwe ngabeSouth African Social Security Agency (Sassa) kuleli sonto.

AbakwaSassa badalule ukuthi imali yesibonelelo iyoze iqale ukukhokhwa ngesonto elizayo.

Ngaphezu kwalokho, lemali izobe isihambisana nochatha omenyezelwe kwisabelo mali salonyaka.

Le nkokhelo iza phakathi kokusetshenziswa okusha kwesikhungo sezokuphepha kokuhlolwa kwabamukeli bezibonelelo.

Izinsuku zokukhokha izibonelelo zikaMay yilezi ezilandelayo: 

Isibonelelo Sabantu Abadala – Lwesibili, 6 May 2025

Isibonelelo Sikahulumeni Sokukhubazeka – Lwesithathu, 7 May 2025

Isibonelelo sezingane – Lwesine, 8 May 2025

Okhulumela abakwaSassa, uMnuz Paseka Letsatsi, usanda kucashunwa eveza ukuthi le nhlangano esebenzisa izinhlobo ezahlukene zomazisi uma iqoqa izibonelelo sekuzomele ibhalisele ukuthathwa kwamanyela (biometric enrolment).

Inqubo yokubhaliswa ngale ndlela ibandakanya ukuqoqwa kolwazi lomuntu siqu oluphathekayo. 

Lokhu kuhlanganisa izigxivizo zeminwe nokushuthwa zobuso.

Nokho, inqubo entsha izosebenza kuphela kubamukeli bezibonelelo abangazisebenzisi izinombolo zabo kamazisi ukuze balande izinkokhelo zabo.

“Kusukela mhla zi-5 May, bonke abantu asebenzisa ezinye izindlela ngaphandle kukamazisi wakuleli kuzodingeka ukuthi babhalisele ukuthathwa  kwamanyela nokuyimpoqo,” kusho uLetsatsi.

Abamukeli besibonelelo sikahulumeni abakhona abasebenzisa inombolo kamazisi yaseNingizimu Afrika enezinombolo eziyi-13 ngeke bathinteke kuze kube yilapho kudingeka ukuthi bashintshe imininingwane yabo.

“Lolu hlelo kuhloswe ngalo ukuthuthukisa ukuphepha kanye nokunemba kokuhlonzwa kwamakhasimende ezinhlelweni zale nhlangano,” kuqinisekisa uLetsatsi.

Abantu Abadala (abaneminyaka engama-60-74) kanye Nezibonelelo: 

Zokukhubazeka zenyuka ngo-R130 zaya ku-R2 315.

Abantu Asebekhulile (iminyaka engama-75+) Isibonelelo sikahulumeni sikhuphuke ngo-R135 saya ku-R2 335.

Isibonelelo Sikahulumeni Sezempi sikhuphuke ngo-R130 saya ku-R2 315;

Isibonelelo Sikahulumeni Sokuncika sikhuphuke ngo-R130 saya ku-R2 315;

Isibonelelo Sikahulumeni Sezingane sikhuphuke ngo-R30 saya ku-R560.

Isibonelelo Sikahulumeni Sokutholwa Kwezingane sikhuphuke ngo-R70 saya ku-R1 250.

Isibonelelo Sikahulumeni Sokusiza Ekuhluphekeni (SRD) sihlala singu-R370