Ibhekene ngeziqu zamehlo okhethweni eMandeni

KUSUKE esinamathambo okhethweni lokuchibiyela ku-ward 18 eMandeni ngenxa yezinsolo zomkhonyovu.

Kwimifanekiso yama-video esabalele ezinkundleni zokuxhumana kuqubuke izinsolo zokuthi kunabathile abathathe umshini wokuthwebula (scanner) bayowushaja emzini othile.

Lesi senzo sisolwe njengendlela yokuzama ukugebenga amavoti nohlelo lokukhetha.

Kwenye ivideo kubonakala amalunga amaqembu athile ebambe ngesidlozana umlisa osolwa ngalokhu.

Kuthiwa lokhu kuholele ekumisweni okwesikhashana kokuqhubeka kokhetho.

Imiphumela yalolu khetho lokuchibiyela ibhekwe ngabomvu njengoba kubheke amaqembu amane athathwa njengamakhulu kuleli.

Kulamaqembu kukhona i-Inkatha Freedom Party (IFP), Economic Freedom Fighters (EFF), uMkhonto Wesizwe Party (MKP).

I-ANC ifake uSanele Mathonsi kuvale i-EFF emelwe uMalusi Mathunjwa.

Kulolu khetho iMK Party igadla ngoLindani Xhakaza kuthi i-IFP ifolosa ngoNkosiyapha Zulu.

Lolu khetho lungenxa yokuthi ngoFebruary kulo nyaka kwashona ikhansela uPhendukani Mabhida.

UMabhida wadutshulwa esemzini wakhe nesihlobo sakhe esalimala.Imiphumela yalolu khetho ilindeleke khona maduze.