Ikhala iyazithulisa i-ANC ngokulaxazwa yisethenjwa

UBONGE ithuba obeyisethenjwa kuKhongolose oseshiye phansi ngokukhulu ukushesha.

UNhlakanipho “Cheese” Sibisi obenguMgcinimafa nelungu eliqavile esifundeni iMzala Nxumalo, KwaZulu-Natal, uvalelise ngencwadi emfushane kodwa edle ngokuqina.

Kule ncwadi uveze ukuthi uyithumele isigungu esihola le nhlangano eMzala Nxumalo Region nasebuholini besifundazwe uqobo.

Nakuba engadalulanga ukuthi okuningi ngekusasa lakhe kwezepolitiki kodwa ezinkundleni zokuxhumana sekusabalele amahlebezi okuthi angase ajoyine elinye iqembu elimandla KwaZulu-Natal.

Ngokuthola kweZisematheni, lesi sinqumo sishiye abaningi beshaqekile njengoba besingalindelekile.

Lesi sinyathelo sikaNhlakanipho sihlangabezane nenjabulo kwabanye kanti ngakolunye uhlangothi wagxekwa ngokushiya uKhongolose.