Kucishe kwaphuma isidumbu beqolwa uR30

KUCISHE kwaphuma isidumbu amadoda abezihlalele ehlaselwa ngabalisa abathathu ngenhloso yokubaqola.

Lesi sigameko senzeke eWaterloo, KwaZulu- Natal  ebusuku.

Abasolwa abathathu kuthiwa bangene ngesankahlu emzini othile behlome ngezibhamu zohlobo lwe-9mm.

Ekungeneni kwabo bakwaze ukuthi bahlomule ngo-R30 nomakhalekhukhwini abathathu babantu abebesendlini.

I-Reaction Unit South Africa (RUSA) ithumele ithimba lamaPhoyisa cishe. 9: 35 ebusuku ukuze kuthungathwe abasolwa abebehlomile nababaleke ngezinyawo.

Ngesikhathi kuxoxwa nabagiliwe ezintathu, bachaze ukuthi abasolwa abathathu bebehlome bezingovolo ngezibhamu.

Abagilwa bathi baqale bazitshela ukuthi bakhonjwa ngezibhamu zamathoyizi.

Ngokuqhubeka kwesikhathi babonile ukuthi basengozini futhi kungenzeka ukuthi lezi zibhamu kube ngezangempela.

Lokho kubenze bathobela umyalelo wabasolwa, balala phansi njengoba bebeyalelwa.

Abasolwa basagcwele amathafa.