Injabulo kumenyezelwe uPhapha omusha

SEKUMENYEZELWE uPhapha omusha sha uCardinal Robert Francis.

Ibandla lamaRoma liqophe umlando limemezela ukuthi selizoholwa nguPhapha wokuqala ukudabuka e-United States of America.

Lo Phapha omusha uzokwaziwa ngelikaPope Leo XIV.

UPope Leo (69) wethulwe yibandla lamaRoma phambi kwezinkumbi zabantu.

Lezi zinkumbi zimamukele ngezandla ezimhlophe nangenhlokomo eSt Peter’s Square namuhla.

Ukungeka kwakhe kulesi sihlalo kulandela ukudlula emhlabeni kukaPope Francis obedabuka e-Argentina.

Udlule emhlabeni ngo-April 26 ngemuva kokuxinwa ukugula.

Ukumenyezelwa kwalo phapha sekuhlaziywe ngabanye ezinkundleni ezokuxhumana njengesibonakaliso sikamengameli wase-USA uDonald Trump.

Kuzokhumbuleka ukuthi ngesonto eledlule uTrump wafaka isithombe esidokoteliwe nge- Artificial Intelligence (AI) egqokise okukaPhapha.

Lokho kwahlaziywa ngabanye njengokuthi ufuna kuqokwe owasezweni lakhe njengophapha omusha.