Owayenguzime wakuleli uqokelwe isikhundla kokaMiss Supranational SA

OWAKE wanguzime wakuleli ngo-2010 useqokwe wanguMqondisi Zwelonke kaMiss Supranational South Africa

Ukuqokwa kukaBokang kulesi sikhundla sikaMiss Supranational South Africa, kulethe injabulo kwabakuleli.

Kuphinde kwabukeka njengesinyethelo esizoletha izinguquko kulo mqhudelwano.

Lesi simemezelo, esenziwe izolo, samukelwe ngenjabulo ngabaningi.

UBokang wamela kahle leli zwe kuMiss Universe nakuMiss World ngo-2011, futhi njengamanje ungumqondisi weMrs Universe Africa.

Lo wesifazane uphinde abe ngumnikazi we-Bokang Montjane Foundation, usebenzela ukuthuthukisa abesifazane abasebasha abavela ezizindaweni ezintulayo.

Kwenzeka lokhu iningi labakuleli lisajabhiswe wukuhoxiswa kukaMiss South Africa ukungenela lomncintiswano walo nyaka nozoba sePoland.