Owodumo kwiSkeem Saam ucela iminikelo
USEVULE izandla ucela iminikelo umlingisi owaduma kwiSkeem Saam kuSABC1.
UThabo Masoga, kutholakale ukuthi unongwengwezi esweni langakwesokunxele.
Umbiko weSunday World udalule ukuthi lesi sihlabani sinxusa umphakathi ukuba usisize usitholele udokotela ohlinzayo ozokwazi ukumhlinza ngo-R15 000.
Kuzokhumbuleka ukuthi lesi uMasoga odume edlala indawo ka-Ananias kwiSkeem Saam, udonsa kanzima njengoba esesebenza njengonogada ebhange eliseZebediela Plaza, eLimpopo.
Ekhuluma naleli phephandaba uMasoga uthe uzolwamukela usizo kunoma ngubani ongamsiza ngokuhlinzwa.
Lo mlingisi uqale ngokuphikisa izinsolo zokuthi ezisabalele zokuthi useshaya inja ngekhanda kulandela ukuphunyukwa yifulethi lakhe.
Uthe iqiniso lithi useyaliqashisa futhi usele nemoto eyodwa.
