Bazobhekana nolaka lomthetho ababoshwe koweNedbank Cup

UKhomishana wamaphoyisa KwaZulu-Natal uLieutenant General Nhlanhla Mkhwanazi uwashayele ihlombe amaphoyisa nazo zonke izinhlaka zomthetho ngokuqinisekisa ukuphepha ngesikhathi somdlalo weNedbank Cup.

Lo mdlalo ophethe ngokunqoba kweKaizer Chiefs yehlula i-Orlando Pirates eMoses Mabhida Stadium ngoMgqibelo, 10 May 2025.

Amaphoyisa aqinisekise ukuboshwa kwabasolwa abahlanu ngokwephula imithetho ehlukene. 

Abasolwa ababili baboshelwe ukudayisa ngokungemthetho amathikithi alomdlalo.

Abanye abasolwa ababili baboshelwe ukugasela enkundleni ngokungemthetho, okuphambene nomthetho iSafety at Sports and Recreational Events Act (Act No.2 of 2010).

Omunye umsolwa oyedwa uboshwe ngenxa yokundizisa i-drone phezu kwenkundla nokuyinto engagunyaziwe. 

Uma sekucutshungulwe abasolwa bazobhekana nolaka lomthetho.