Kugwetshwe ubaba obelala indodakazi (11)
IZOBHADLA ejele iminyaka engu-20 indoda (36) edlwengule indodakazi angayizali(11).
INkantolo yesiFunda yaseGiyani ilahlee ngecala yase igweba owesilisa kulandela isigameko sokudlwengula esibandakanya indodakazi angayizali.
Ngokombiko wamaphoyisa lesi sehlakalo senzeka ngoMay 28 ngonyaka odlule.
Intombazanyana yayihleli naloyise ongayizali endlini oseGiyani Section F.
Unina wentombazanyana wayesebenza ebusuku ngenxa yamashifti.
Le ndoda yasebenzisa leli thuba yalala nesisulu kwathi ngakusasa ngoMay 29 2024, wacela umkakhe ukuba ahlele umhlangano womndeni.
Wathi wayenodaba oluvuthayo okufanele ludingidwe phambi kwamalungu omndeni uphelele.
Emhlanganweni, le ndoda yagonyuluka ngobubi ebenzile bokulala intombazanyana. Waveza nokuthi wayengaqala ukuyigila.
Osonhlalakahle bendawo babikelwa ngalolu daba base beluleka unina wesisulu ukuthi abikele amaphoyisa endawo kwabe sekuvulwa icala lokudlwengula ngokushesha.
Le ndoda yaboshwa ngalolo suku, wangayithola nebheyili.
UKhomishana wesiFundazwe saseLimpopo uLieutenant General Thembi Hadebe usamukele isinqumo senkantolo sokususa lo mhlukumezi emphakathini.
