Kubuye isithunzi i-ANC inqoba olokuchibiyela

UKHONGOLOSE uzidlele amahlanga okhethweni lokuchibiyela ku-ward 4 eMpofana eMooi River.

Lokhu kuhlale obala zisuka ukuthi le nhlangano emelwe uMakhosazane Bhengu iziphuzela isobho ezimbangini zayo.

Kwethusile ukubona igebe i-ANC eshiye ngalo i-Inkatha Freedom Party noMkhonto WeSizwe Party njengoba ishiye igebe elingamavoti angaphezulu kuka-400.

Ayiphathwa eye-Economic Freedom Fighters ne-NFP abangenzanga kahle.

I-ANC ithole amavoti angu-1436, yalandelwa i-IFP ethole 712, iMK Party yalala isithathu ngamavoti awu-635.

Ukunqoba le-ward kubuyise isithunzi ebesesilahlekile kkule nhlangano eke yabusa isikhathi eside kuleli.