Usekhalelwe amasongo kaS’gonyela uBreezy

KUVUKE isisho esithi icala aliboli ngesikhathi uChris Brown eboshwa namuhla.

Lesi sihlabani somculo sase-USA siboshwe ehhotela iManchester e-England ngezinsolo zokushaya kanzima.

Uvukelwe yicala lakhe lakudala elenzeka eminyakeni emibili edlule.

Kulapho esolwa khona ngokuthi washaya umdidiyeli womculo u-Abe Diaw ngebhodlela le-tequila iDon Julio 1942.

Kuthiwa kwathi kusamangazwa ukumphihliza ngebhodlela wasemkhahlela.

Iziphathimandla zimvalela ngezithuba zabo-2 ekuseni..

Leli cala eselimfaka esikiti lenzeka ngoFebruary 2023 ekilabhini yaseTape esifundeni saseMayfair eLondon. 

Esitatimendeni uDiaw wathi : “Wangishaya ekhanda kabili noma kathathu.”

Lesi sigameko sakamuva sengeza emlandweni wezomthetho omude wokuthandwa yijele kukaBrown.Kushaye isikhathi sokuloba, uChris Brown nabameli bakhe bengakasikhiphi isitatimende.