Isethenjwa seMK Party sesibuyele ekhaya elidala
OBEYILUNGU eliqavile kuMkhonto WeSizwe Party useshaye ungqimphothwe wabuyela ekhaya lakhe elidaba.
UPonani Makhubele ujoyine iMK Party ngonyaka odlule ngemuva kokulaxaza i-ANC abesebe yilungu layo iminyaka engu-28.Namuhla, ubhalele unobhala jikelele woMkhonto
WeSizwe, uFloyd Shivambu emazisa ngesinqumo asithathile sokushiya iMK Party.
Encwadini uveze ukuthi wesula ekubeni yilungu laleli qembu nasesikhundleni sokuba yiphini lomgqugquzeli wesifundazwe eLimpopo.
Ngesikhathi esifanayo unameke kuFacebook isithombe sakhe egqoke umswenko onemibala kaKhongolose.
Lokhu kuhunyushwe ngabanye njengokuthi usebuyele kuKhongolose ikhaya lakhe lakudala.
Efika kuMkhonto WeSizwe ngoSeptember nyakenye, uPonani wamukelwa umkhaya wakhe uPenny Penny eqenjini.
UPonani uke wasematheni ngo-2023 ebonakala kwi-video egqoke ibhayi ebulala inkukhu ngokuyijumpula ikhanda iphila ngamazinyo akhe.
