Uselibangise e-USA uRamaphosa

UMENGAMELI wezwe uCyril Ramaphosa usendleleni ulibangise e-United States ngomsebenzi omqoka esizweni.Lolu hambo luqale entathakusa yanamuhla kanti uyoze abuye ngoLewesine.

Kulolu hambo uzoba nomhlangano omqoka nomengameli wase-USA uDonald Trump nephini lakhe uJD Vance eWhite House eWashington DC.

Lo mhlangano uzoba ngezithinta ubudlelwane balamazwe omabili obungebuhle kulezi zinsuku.

Inhlosongqangi yalo mhlangano ukubhekana nokungezwani kwakamuva kanye nokubheka amasu angalungisa ubudlelwano phakathi kweNingizimu Afrika ne-United States.

Wonke amehlo athe njo kulolu hambo njengoba abaningi bengafisi ukuthi uRamaphosa azithole esekhacwa njengemengameli wase-Ukraine uVolodymy Zelensky.