Uyisuthile induku obezama ukudlwengula isalukazi
UYISUTHILE unduku owesilisa obezama ukuhlukumeza ngokocansi isalukazi eRedcliffe, KwaZulu-Natal.
Lo mlisa odabuka eMalawi (48) usolwa ngokuhudulela ehlathini isalukazi kanti kukholakala ukuthi uefuna ukusidlwengula.
Kuthiwa kusize ukuthi sisho ngengila, kwesabela amalungu omphakathi azosisiza.
Amalungu omphakathi abe esethi ‘ukuxoxa’ nale ndoda kwaze kwaba iyabaleka ingena ehlathini eliminyene.
Isalukazi naso sithe galo yephuka sangabe sisatholakala.
Izingubo zaso isalukazi zokugqoka nezangaphansi beziklebhukile.Ithimba lakwaReaction Unit South Africa (RUSA) libiziwe lasiza ngokuthungatha umsolwa obecashe ehlathini.
Umsolwa ugcine etholakele kodwa udedelwe ngaphandle kwecala ngemuva kokuthi ummangali engasatholakali.
