Amehlo athe njo kuRamaphosa noTrump

WONKE amehlo athe njo engxoxweni ebalulekile ezoba phakathi komengameli bamazwe abalulekile emhlabeni namuhla.

Namuhla, uMengameli uCyril Ramaphosa uzohlangana noMengameli wase-United States of America (USA) uDonald Trump eWhite House eWashington DC ukuzobhunga ngobudlelwane bamazwe abo.

URamaphosa uhamba nethimba elibophele Parks Tau, Ronald Lamola, Mcebisi Jonas, John Steenhuisen noKhumbudzo Ntshavheni.

UTrump naye uzobe ebophele elakhe okubalwa kubona uJD Vance, Marco Rubio nabanye.

Okuzoxoxwa la kuhloswe ngakho ukuthi kubuyise ubudlelwane balamazwe obubukeka bungebuhle muva nje.