Lihlehlile icala lomlingisi osolwa ngokukhwabanisa
LIHLEHLISIWE icala elibhekene nesilomo somlingisi obhekene nezinsolo zokukhwabanisa.
UNolwazi Shange ubevele kafushane eNkantolo yeMantshi yaseBrixton namuhla ngoLwesihlanu kulandela ukusolwa ngokukhwabanisa nobugebengu imali yomdlalo uQueen Modjadji.
Leli icala lihlehliselwe uSeptember 26 ukuze kuqhutshekwe nophenyo.
UNolwazi ungaphandle ngebheyili ka-R5 000, ayithola ngesikhathi evela enkantolo ngoMarch kulo nyaka.
Ngo-2024 kwaqubuka izinsolo zokuthi uShange webe u-R700 000 ohlelweni lomdlalo odume ngelikaMzansi Magic.
UNolwazi usolwa ngokukhohlisa ama-invoice ezinkampanini ezihlinzeka ngemali eyengeziwe ngesikhathi esebenza njengomphathi wabalingisi.
Ngokwalezi zinsolo, washintsha imininingwane yasebhange namanani, imali wayibuyisela ebhizinisini elingaziwa okuthiwa lixhumene naye, wahluleka nokukhokhela izikhungo.
