Umsakazi wakuleli uyolwa impi yamazwi kwiPiers Morgan Uncensored

UTHEMBISA ukuyokhuluma iqiniso lodwa ohlelweni lukaPiers Morgan umethuli wezinhlelo zethelevishini wakuleli.

UDan Corder ungumethuli wohlelo lwezingxoxo iDan Corder Show ku-eNCA aphinde asakaze kwi-5FM.

Uveze ukuthi namuhla ebusuku uzoba kwinkulumo mpikiswano ohlelweni iPiers Morgan Uncensored.

UDan osezakhele igama ngokuba sekhaleni lempi yokunindwa kweNingizimu Afrika ngezinsolo zokubhuqabhuqa abamhlophe, ukzwakale ekujabulela lokhu.

Umsebenzi wakhe wakavuva uthokozelwe ngosaziwayo base-USA iningi labo abansudu abakhala ngokufuqwa ngamanga ngabezinda bakhona ngalolu daba.

Kulabi kubalwa osaziwayo abango D.L Hughley, Viola Davis noWanda Sykes ukukha phezulu.

Uthe lokhu kulandela uhambo nengxoxo kaMengameli  wakuleli uCyril Ramaphosa noMengameli wase-USA uDonald Trump ephethe kungasekuhle.