Isililo kudlula emhlabeni uChweneyagae

SEKUDLULE emhlabeni isihlabani somlingisi owaduma kakhulu kwifilimu i-Tsotsi.

Umbiko weNewzroom Afrika udalule izindaba zokuthi uPresley Chweneyagae (40) akasekho emhlabeni.

Lo mlingisi uzakhele igama esamncane ngokudlala kwifilimu iTsotsi eyadla umhlanganiso kowezindondo zama-Oscar eHollywood ngo-2005.

Uphinde washaya into ecokeme emidlalweni ephambili kuleli okubalwa kuyona i- The River lapho edlale enguCobra.

UChweneyagae ubesanda kuveza ukuthi uzoyeka ukulingisa ukuze enze eminye imisebenzi.

Ukushona kwakhe kulahlekisele kakhulu amafilimu nemidlalo yeshashalazi yaseNingizimu Afrika.

Lolu udaba oluqhubekayo.