Injabulo u-Elon Musk eshiya kuhulumeni

AMA-MELIKANA athi liphume nobovu kushiya u-Elon Musk esikhundleni.

U-Elon Musk ushiye ngokusemthethweni esikhundleni abesihola eMnyangweni Wokusebenza Kahle kukaHulumeni Department of Government Efficiency (DOGE).

Ukushiya kwakhe kujatshulelwe ngabaningi abaphelelwe yimisebenzi kwaphazamiseka nempilo yabanye selokhu engene kulesi sikhundla.

U-Musk ubonge wanconcoza kuMengameli wase-USA uDonald Trump ngethuba amuphe lona nalichaze njengelokunciphisa izindleko ebezingenasidingo.

Kulesi sikhundla ungene ngemuva kokugcotshwa kukaTrump kwesobumengameli ngoJanuary 20.

Njengesethembiso uhlale izinsuku ezingu-130 kanti uthi usazoqhubeka nokuba nobudlelwane obukhethekile nalo mnyango