Umfundisi waseSkhawini ubhekene nawokunukubeza izingane ezincane
UNGAPHANDLE ngebheyili umfundisi ohlonishwayo eSkhawini osolwa ngokunukubeza izingane ezincane nentsha ebandleni.
Le nceku yenkosi inikwe ibheyili kaR3,000 yiNkantolo yeMantshi eRichards Bay.
Umhlonishwa osolwayo uneminyaka engu-50 wonke kanti ubhekene namacala ayisithupha okuhlukumeza ngokocansi izingane, nowesifazane osemusha oneminyaka engu-19.
Umfundisi, osolwa ngokuhlukumeza izisulu eziningi phakathi kuka-2023 no-2025 eduze kwamagceke esonto, uvele okokuqala enkantolo ngomhlaka-13 May.
Amacala avulwe ekupheleni kuka-April nonyaka.
Umsolwa kuthiwa kuzona zonke izisulu ubezenzela nje kusukela ekuziqabuleni ngenkani, azipanse aphinde aziphulaze amathanga athinte namabele kabuhlungu.
Icala kulindeleke ukuthi libuyele enkantolo ngomhlaka-25 June.
