Ezintsha ngomngcwabo womhlaziyi kamaskandi

OZAKHELE udumo ngokuhlaziya umculo kamaskanda ku-TikTok uLangelihle Mthembu obaziwa kakhulu ngelikaSqiniseko Mvelase uzofihlwa ngeSonto likaJune 8.

Imininingwane yomngcwabo wakhe iphinda iveze ukuthi inkonzo yomngcwabo izoba sesikoleni eMpungeni Primary School, afihlwe emathuneni asekhaya kwNodunga, KwaMaphumulo.

USqiniseko (27) udutshulwe wabulawa ngumuntu ongaziwa ematasa ehlaziya kuTikTok.

Lesi sehlakalo esishaqise abaningi simehlele esegcekeni lomuzi abehlala kuwona eDunnator, eNigel eKurhuleni ngoLwesine emini yasekuseni.