Inkantolo ichithe isicelo sikaZuma ecaleni lenkohlakalo

INkantolo eNkulu yaseMgungundlovu isichithile isicelo senkampani yezikhali yaseFrance iThales kanye nowayenguMengameli wezwe uJacob Zuma sokuba lichithwe icala.

Leli cala ababhekene nalo limayelana nenkohlakalo yokudayisa izikhali.

Ukuqulwa kwecala lenkohlakalo manje kuzoqhubeka njengoba bekuhleliwe ngaphambilini.

IThales ibifake isicelo sokuthi kumiswe unomphelo ukushushiswa ngenxa yokuthi kunofakazi ababili abamqoka abangasekho emhlabeni.

Isizathu salokhu wukuthi ukushona kwalabo fakazi ababili abamqoka luthunyubeza ukuqulwa kahle kwecala ngendlela efanele.