Kuphelile ngomdlalo uMuvhango
SELIGAWULE okokugcina izembe kuMuvhango njengoba sekumenyezelwe nosuku lokugcina lokukhonjiswa kwawo kuthelevishini.
UMuvhango wakuSABC2 ugcina ngo-August 8 ukusakazwa kanti ubusuhlale iminyaka engu-28 kuthelevishini.
Lokhu kwenzeka nje lo mdlalo obusanda kwethulwa ngokusemthethweni kabusha ngenhloso yokuwuvuselela.
Kubukeka kungasebenzanga lokho njengoba sekunqunywe ukuba kuqedwe nya ngawo.
“UMuvhango unikeze ithuba ulimi olunganakiwe oseluphenduke olunye lwezilimi ezihlonishwayo eNingizimu Afrika manje,” kusho uDuma Ndlovu esitatimendeni.
Lo mdlalo wawuyi-soapie yokuqala yaseNingizimu Afrika ngolimi lwesiTshivenda.
