Sekubanjwe osolwa ngokubulala owesifazane waseMandeni
USEZIKHINDINI umlisa okhonjwa ngenjumbane ecaleni lokubulawa ngesihluku kowesifazane obeyohlolwa ikhono yabasizi bothisha eThembeni eMandeni.
Umbiko we-1KZN News, udalule ukuthi umlisa okukholakala ukuthi uyisoka likaNomvula Ngubane ubanjwe ngamaphoyisa eClermont eThekwini.
Umsolwa, kuthiwa njengamanje uvalelwe esitokisini eSundumbili.
Kulindeleke ukuba evele enkantolo yemantshi yendawo ngesonto elizayo.
Ngokwemibiko, umsolwa selokhu anyamalala ngosuku okwanyamalala ngalo umufi.
Isidumbu sikamufi sigcine sitholwa sembozwe ngamahlahla emzini okuthiwa ngokamsolwa.
Lesi sigameko sishaqe siwethuse kakhulu umphakathi kanti umndeni kamufi uhlukumezeke kakhulu njengoba ebeyingane ebihlonipha nebibonakala inekusasa eliqhakazile.
