Izinyembezi zenjabulo kuhlonishwa amaphoyisa KwaZulu-Natal

LICHONYWE uphaphe lwegwalagwala iphoyisa elisebenza ngokuzimisela.

USeargent Nhlanhla Patrick Mhlongo wasesiteshini iGreenwood Park eThekwini uphiwe imoto entsha emcimbini waminyaka yonke weSAPS KwaZulu-Natal Provincial Excellence Awards eDurban ICC.

Ubutsetshe bemoto eyamukeliswe uSgt Mhlongo uyinikwe nguKhomishana uNhlanhla Mkhwanazi uqobo.

Ngokomthetho, ukungenela lomunxa, amaphoyisa azifakela wona imingenelo ngokwazi amava awo.

Nakuba kunjalo kodwa uMhlongo akazange akwenze lokho. Kunalokho ozakwabo nabaphathi bakhe bakwenze ngasese ngenxa yokubuka ukukhuthala kwakhe nokuzimisela ngendlela exakile.

Phakathi kwamacala asombululwe nguSgt Mhlongo ngokuphazima kweso, yilelo elibe sematheni lowesifazane owabulawa ngumphathi wakhe emsebenzini maqede wamgqiba eNanda.