Ubhekwe ngabomvu umqhudelwano weComrades Marathon

BAZOLALA bengalele abagijimi bomncintiswano omkhulukazi iComrades Marathon.

Usuku lwakusasa ngolwamanqamu njengoba kulindeleke abasubathi abangu-24,000 ukuba baqhudelane besuka eMgungundlovu belibangise eThekwini.

Kulaba bagijimi kuhlanganisa nabasubathi abavela emazweni angaphezu kuka-3,000.

Kulabo abavela e-Israel, sekuvele ukuthi uphiko lwentsha lwe-ANC Youth League alubadingi kuleli ngenxa yokuyamaniswa nokubhujiswa kwabasePalestine.

Kusasa, lo mqhudelwano kuzoba ngowesi-98 wasungulwa kanti ubhekeke ukuba ufukule umnotho waKwaZulu-Natal ngemali elinganiselwa ku-R600 million.