Kuboshwe iphoyisa ngokuthunjwa komfundi
AMAPHOYISA aseqinisekise ukuthi kuboshwe iphoyisa mayelana nokuthunjwa komfundi.
UKamogelo Baukudi (19) ongumfundi ka-grade 11, kubikwe ukuthi uthunjwe ngabebezenza amaphoyisa.
Kushintshe izinto namuhla ngeSonto uma sekuboshwa iphoyisa langempela ngemuva kokuthi uphenyo lwamaphoyis luyamanise imoto yalo nalesi sigameko.
Okhulumela amaphoyisa aseFree State uMotantsi Makhele uthe ukuboshwa kwaleli phoyisa kube ngemuva kokuthi imoto okwathunjwa ngayo lo mfundi kuvele ukuthi inokuxhumana naleli phoyisa.
UMakhele uthe kulindeleke ukuthi kuboshwe nabanye abathintekayo kuleli cala.
Umsolwa ovalelwe njengamanje uzovela eNkantolo yeMantshi yaseBloemfontein kusasa ngoMsombuluko.
