Libuya ngelizayo elosolwa ngokubulala isinqandamathe
UVELILE kafushane phambi kwenkantolo yeMantshi eNyoni eMandeni umsolwa okukholakala ukuthi ubeyisoka lowesifazane obulawe ngesihluku.
Umsolwa okhonjwa ngenjumbane ngelokufa kukaNomvula Ngubane (26) uzophinde abuyele enkantolo nokuyilapho sekuyolalelwa khona isicelo sebheyili.
I-1KZNTV News ibike ukuthi usizi belubhalwe ebusweni emndenini nasemalungeni omphakathi abephume ngobuningi ukuyokweseka umndeni wakwaNgubane enkantolo.
Ukubulawa kukaNomvula kushaqe abaningi njengoba kade eyokwenza inhlolokhono yokuba ngumsizi wothisha.
Ngemuva kokunyamalala kwakhe, isidumbu sakhe sigcine sitholwa egcekeni lomuzi okukholakala ukuthi ngokamsolwa sembozwe ngamahlahla.
