Selixolisile ijaji eligxekwe ngokucwasa ngebala
USEHLELE ngezansi waxolisa uJaji uRatha Mokgoatlheng (osesithombeni) ngokuphawula okunokucwasa.
Leli jaji elengamele icala lalowo owayengunozinti we-Orlando Pirates uSenzo Meyiwa, ligxekwe kakhulu ngokucwasa ngokwebala enkulumweni yalo eliyenze ngesonto elidlule.
Lokhu kuvele ngemuva kokuthi u-Advocate Charles Mninsi, omele abasolwa ababili, ecele inkantolo ukuthi imnike ikhefu ukuze akwazi ukubamba iqhaza kuComrades Marathon ka-2025.
IJaji likhwele ladilika liphawula limqhathanisa nezinye izinhlanga.
Lesi senzo senze uMnisi wathola ukwesekwa okukhulu nangesikhathi ebonakala egijima kulo mqhudelwano obusuka eMgungundlovu uya eThekwini izolo ngeSonto.
