UMbalula akayizwa indaba yokuholwa nguMotsepe
UKHWELE wadilika kulabo abafisa ukuthi iNingizimu Afrika ihole yimpunyela uPatrice Motsepe njengomengameli we-ANC.
UNobhala-Jikelele we-ANC uFikile Mbalula uthe lokhu kumuma entanyeni okomuntu odle inyama yenkomo enonile.
“Laba bantu balokhu bethi sifuna uPatrice Motsepe abe nguMengameli we-ANC, kodwa angazi noma uyilungu le-ANC.
“Yebo, siyayidla imali yakhe; uyithumela njalo. Uzibiza ngelungu le-ANC.” kusho uMbalula.
Uqhube wathi uma uMotsepe efuna ukuhola kumele aqhamuke phansi ukuze bezobhekana naye.Â
“Isiyasidina le nto. Njalo ngeSonto sitshelwa ngoMotsepe,” usho kanje.
UMbalula ubekhuluma phambi kwezinkumbi kwingqungquthela yesifunda i-ANC Chris Hani 9th Regional Conference.
