Kuqhilike izihlathi abe-EFF beyodumisa noNyazilwezulu

BAMUKELWE ngezandla ezimhlophle ubuholi be-EFF ebandleni lamaNazaretha ethembelini eLindantonga kwaNongoma, KwaZulu-Natal namuhla ngoMgqibelo.

UCommander In Chief (CIC) we-EFF uJulius Malema ubehamba nethimba lakhe okunguNobhala-Jikelele we-EFF uGodric Gardee ukuyodumisa kuleli bandla.

Lokhu kudumisa kwanamuhla kuhambisane kwaqondaba nokuthi iNkosi uMduduzi Nyazilwezulu Shembe wohlangothi lwaseBuhleni ubehambele leli thempeli.

Lolu hambo lugcizelela ukwemukelwa kwe-EFF kwebandla njengesisekelo sobuntu base-Afrika, ukuzimela kanye nokumelana nomlando.

“Iqhaza lezikhungo zomoya emphakathini ngeke lihlukaniswe nepolitiki,” kusho iqembu esitatimendeni.

I-EFF iqinisekisa ukweseka kwayo izinhlangano zezenkolo ezihambisana nomzabalazo wobulungiswa bezenhlalakahle nenkululeko ye-Afrika.