Kume umcimbi we-Action SA kuhlasela ushayasibhamu

KUMISWE ukwethulwa kwegatsha le-ActionSA kuWadi 25 kuKennedy Road eThekwini ngemuva kwesigameko sokudubula lapho isibhamu sidubule kathathu.

Ukwethulwa komcimbi bekuhanjelwe nguMengameli weqembu, uMnuz Herman Mashaba noMholi waKwaZulu-Natal, uMnuz Zwakele Mncwango. 

Umdubuli wehlulwe ngamandla, waphucwa isibhamu wabe esenikelwa emaphoyiseni aseSydenham.

Kwenzeka lokhu nje uMncwango ubhekene nezinsongo ngemuva kokuvundulula inkohlakalo nokungawazi umsebenzi eMnyangweni wezeMpilo esifundazweni ngaphansi kukaNgqongqoshe uNomagugu Simelane-Mngadi, uMnyango wezeMfundo ngaphansi kukaNgqongqoshe uSipho Hlomuka, bobabili be-ANC.

Uphinde wasatshiswa ngesikhathi ekhuluma ngenkohlakalo eyihlazo kumasipala weTheku (ANC) nakumasipala wesifunda saseZululand (IFP) enyakatho yeKwaZulu-Natal.