Ungaphuthelwa yithuba lokuqashwa embuthweni wamaphoyisa
KUZOQOPHEKA umlando umbutho wamaPhoyisa aseNingizimu Afrika (i-SAPS) wethula uhlelo lokuqasha amaphoyisa nge-inthanethi.
Lolu hlelo olusha sha luzofuna amaphoyisa angu-5 500 azoqeqeshwayo ukuba ajoyinei-SAPS.
Ukukhangiswa kwalezi zikhala ezingu-5,500 kuzoqalwa ngaphambi kokuphela kwale nyanga kaJune.
Abazothathwa bazoqala ukuqeqeshwa phakathi kukaJanuary noFebruary 2026.
UKhomishana wamaphoyisa kuzwelonke, uFannie Masemola, uthe sebenyusile neminyaka yobudala yokungena ezikhundleni zabo ibe neminyaka engu-35 ngokuhambisana neNqubomgomo Yentsha Kazwelonke.
UMasemola uthe bayaphuma endleleni yokwenza izinto mathupha futhi bamukele ukusetshenziswa kobuchwepheshe ukuqinisa izindlela zokulawula nokuthuthukisa ukuphendula.
