Kuyaphela ukuqagela ngekusasa likaShivambu

KUZOSHONA elakusasa izwe selazi ngekusasa lowayenguNobhala Jikelele woMkhonto WeSizwe Party kuleli qembu.

Lokhu kungenxa yokumema abezindaba kwisithangamu nokuyilapho ezogeqa khona amagula ngezihloko eziningi.

UFloyd Shivambu umeme abezindaba ukuba baphelele ngothi lwabo eMhulu Luxury Botique eGoli kusasa ngoLwesine ngo-12 emini.

Kwenzeka lokhu nje ikusasa likaShivambu kwiMK Party libukeka limfiliba.

Lokhu kumema isithangamu sabezindaba sekuhunyushwe njengendawo la ezomemezela khona ukwesula kwakhe kuleli qembu.